《得宠先生》首映《得宠先生》昨日（28号）上映，前一晚举行首映，全院满座，反应热烈。适逢男主角郑丹瑞（旦哥）69岁生辰，除了电影导演兼编剧何英毅和李志伟、女主角卢慧敏（Amy）、廖子妤（Fish）、冯允谦（Jay)和黄美芬等一齐睇戏，还有近百位圈中好友入场支持，非常热闹。完场后观众席上好友林珊珊、林超贤导演、陈庆嘉导演、陈德森导演、谢安琪、邱士缙@MIRROR和周秀娜等星级观众发言，令人感动。Fish更自爆一度觉得自己步入中年危机，对事途迷惘，但这部电影令她振作，对世界再抱希望。电影完场，观众报以掌声，Amy、Jay和Fish突然拉住旦哥上台玩惊喜，手忙脚乱地替他戴皇冠、彩带和送鲜花，主持旨呈哼歌助庆。旦哥突然「佳叔」上身闹人：「搞乜呀？咪整乱我个头呀！」全场爆笑，观众大叫「好靓仔」！而旦哥另一部电影饰演女儿的邓月平，亦準备了生日蛋糕送上台，旦哥好开心。Fish感叹：「我依家嘅人生好似有好多好混乱嘅嘢，我要重新去接受，我又要照顾爸爸妈妈，爸爸妈妈开始老啦，我嘅事业去到一个位，我应该点做？头先睇完套戏，谂：『如果我去到70岁，我嘅人生係咁失败，我会点呢？』但係只要唔放弃，人生几多岁都可以重启。我一路睇戏一路觉得，其实我啲问题好细，只係需要去学习。尤其是悦娜（Amy饰演）角色，点解有人咁好心地？但係真係有众多咁好心地嘅人，支持紧呢个世界，而呢个世界唔係我想像中咁差，好多谢呢套咁好心地嘅电影，将我喺中年危机，捞返番嚟！」旦哥说：「今日我69岁生日，真係缘份，竟然有一部自己嘅戏上映。香港拍电影唔容易，拍完呢部戏佢哋都唔知几时再有得捞，今日我生日，邀请到一班真心好朋友嚟同我一齐，睇一部有火嘅电影。」观众席上林超贤导演大叫：「成套戏对你（旦哥）挑战好大啦！」旦哥哈哈大笑说：「识货！」林珊珊抹眼泪，对旦哥说：「真係做得好好，好为你骄傲，旦！当然Jay Fung都做得好，个个演员都做得好好。多啲呢啲戏，我哋就感受多啲温暖、多啲希望！」而旦哥的「永远女神」周秀娜亦感动落泪，她说：「旦哥係一个好幽默嘅人，好少会见到佢呢一面，我无谂过我会喊，好感动，旦哥真係演得好好，我好锺意！」两年前在电视剧《野人老师》中，与旦哥饰演父子的Stanley，说：「我同旦爸拍剧嘅时候，佢同期拍紧呢部电影，佢真係好犀利，同一时间驾驭两个完全唔同嘅角色，最值得学习係旦爸对戏剧嘅追求，超级respect（敬佩），亦多谢导演拍咗一部咁诚恳嘅电影！」去年与旦哥合作新戏的谢安琪，先恭喜旦哥生日快乐，她说：「睇到一个好不一样嘅旦哥，而题材将被遗弃嘅狗仔同独居老人串连埋，好有感受。我哋嘅城市好繁忙，忙住生活，好多时忽略咗生命与生命之间嘅感情。你喺我心目中係一个又健康又开心又正能量嘅人，喺呢部戏见到你落泊嘅神情，一个独居老人，我好伤心。希望多啲人被呢部戏感动，多啲关心身边嘅人、身边嘅生命，让我哋嘅社会多啲爱！」与旦哥相识几十年的导演林超贤笑说：「刚才娜姐（周秀娜）话未见过你呢一面，其实几十年前，你啲样衰我哋见好多。」旦哥笑说：「所以我要鼓起勇气叫晒《小男人周记》团队、阿嘉（陈庆嘉导演兼编剧）嚟睇。」林导认真地说：「多谢台前幕后，老人与狗嘅戏大家睇好多，呢部喺自己生活世界入面，特别打动，尤其是讲到弃养，造出好多不幸，令人好感概！旦哥，你喺镜头前喊，我第一吓接受唔到，但你继续喊，我真係畀你打动，好嘢！」身旁的陈庆嘉说：「呢个唔係我见到嘅阿旦，好犀利，见到一个唔熟悉嘅你，做得好好！」台上旦哥哽咽，他说：「呢啲说话由我合作得最耐嘅好朋友讲出嚟，真係顶唔顺，多谢！」至于另一位导演好友陈德森非常感触，因为感同身受，他说：「独居长者同只狗，我只狗啱啱过咗身，好难过。我一直都有关注流浪狗，呢套戏我一定会好好推介，多谢你哋！」《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映《得宠先生》首映其他人也在看
