林明祯被影到与Edan同游夜市 强调工作为先：我都不急，你们急甚么「大马女神」林明祯早前被影到与男团MIRROR成员吕爵安（Edan）同游意大利兼撑枱脚，二人虽然否认恋情，不过Edan就公开表示追紧林明祯。最近佢哋又同游台湾夜市断正，期间仲被影到搭晒膊头添呀！噚日（24日）林明祯出席品牌代言活动，接受传媒访问时透露二人嘅感情发展。被传媒问到被影到同游夜市嘅心情时，林明祯直言被吓倒，因为其实Edan咁啱放假去台湾玩，而佢自己就喺当地有工作，所以就相约出嚟行街食饭。之后被问到係唔係因为佢而令Edan选择去台湾，明祯就笑住回答话：「你问佢嘛！你问佢！」佢就话其实只係两个人去食个饭同行下，当时都冇谂咁多，当时只係朋友之间嘅聚会，大家都光明正大。至于讲到佢哋现时嘅关係，林明祯就话大家都係以事业为重，对方亦喺工作上非常认真，大家有时间都会联繫一下，不过都係以工作为先，而家就顺其自然。其后被问到已经搭咗膊头，仲争啲咩嘢嘅时候，而明祯就借MIRROR成员Anson Kong「三把火论」，谂住可以过到骨，不过就被问到有啲尴尬同口哑哑，唯有话一切都係顺其自然。佢希望大家可以俾啲空间佢：「哎呀，我都不急，你们急甚么！感情的事件慢慢来，因为我们还是以工作为主要，然后顺其自然其他的，就是大家畀啲空间唔我，因为我是一个好需要空间嘅女子。」Viu1 HK 影片截图Viu1 HK 影片截图Viu1 HK 影片截图Viu1 HK 影片截图Threads图片林明祯林明祯林明祯MIRROR成员Edan吕爵安MIRROR成员Edan吕爵安MIRROR成员Edan吕爵安按此下载全新 APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！其他人也在看
