45岁官恩娜被质疑美颜滤镜出手太重 现身反击网民兼大呻冤枉官恩娜（Ella）家族争产案成为热话，不过日前官恩娜未有出席聆讯，反而去咗蒙古旅行，并于社交平台分享一条身穿传统民族服饰嘅影片，以及大谈旅行体验。唔少网民都大讚官恩娜人靓景靓，但有一名网民就留言指质疑官恩娜用美颜滤镜用得太重手，惹官恩娜于IG限时动态反击，并大呻冤枉。官恩娜即使已淡出娱乐圈，但好多网民都极关注佢嘅社交平台，希望睇到多啲佢嘅生活照及索爆造型照，唔少网民过往都大讚官恩娜仍旧青春，完全唔似其真实年龄。日前，官恩娜PO出蒙古旅行短片，从片中所见，官恩娜无论係便服定係民族服装造型都非常青春，而且皮肤白滑。唔少网民都激讚官恩娜靓女：「点解点解，可以咁靓」、「甚么服饰都着得好好睇」、「变身蒙古公主了啦」、「这个衣服太好看啦！！！最重要是人好看」、「人靓景靓，好正」、「真心靓！」等等，不过有网民质疑官恩娜过度使用美颜滤镜：「啲美颜劲得滞，矇晒」。此言论令官恩娜亲身回覆，澄清无用美颜：「我发誓我冇开美颜！ 不如你睇清楚先啦，你係咪讲食麵嗰度啊？ 我用前镜拍摄可能清晰度冇咁高。 用美颜唔係咁嘅样㗎！」网民再回应指：「sorry 男士，你天生丽质，从来冇用美颜我错」，之后官恩娜再表示自己对得住天地良心：「唔知你係咪真心讲sorry但係我真係冇用美颜，对得住天地良心！你要讲得咁仔细，以前影杂誌啲杂誌自己都会执吓相咁算唔算美颜？同朋友去食饭个朋友自己用咗美颜咁我算唔算用过？但係我呢条片绝对冇用美颜令到我块面嘅面形轮廓皮肤有任何嘅改变！」随后，有自称10几年忠粉嘅网民替官恩娜讲说话，表示真心相信官恩娜无用美颜；又有网民力撑官恩娜靓到唔洗用美颜：「我就开咗美颜啦，你究竟识唔识分架，恩娜咁靓，唔驶开啦，而且d衫既颜色也没有色差！」官恩娜又于IG限时动态贴上该网民嘅留言截图，委屈地表示：「畀人冤枉用美颜，要搵包青天帮我主持公道！」45岁官恩娜被质疑美颜滤镜出手太重 现身反击网民兼大呻冤枉官恩娜官恩娜官恩娜官恩娜官恩娜官恩娜官恩娜官恩娜官恩娜官恩娜官恩娜按此下载全新 APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！其他人也在看
