美国时间星期二係总统选举日，虽然提前投票一早展开，但两位候选人－共和党嘅特朗普同民主党嘅贺锦丽都当呢个周末係最后冲刺期，双方阵营当然同样搏命拉票。荷里活唔少艺人都表咗态支持贺锦丽，最新一位係《劲揪侠》女星「紫天椒」Chloe Moretz。Chloe撑贺锦丽，唔止出post，直情出柜！佢个post指自己喺提早投票投俾贺锦丽，认为贺锦丽可以保障女性身体自主权，而且作为女同志（gay woman）佢相信多元性向人士需要法律上的保障，并呼吁选民计划好几时去投票。Chloe曾经同碧咸大仔Brooklyn拍拖4年，近年同model Kate Harrison拍拖，但从未就取向表态。Chloe Grace MoretzChloe提到嘅女性身体自主，正正係今届大选选民取态关键之一，因为唔少女性担心特朗普再上台的话，可能令堕胎政策再度收紧。而以堕胎为主题、喺今年初入围奥斯卡最佳实况短片嘅作品Red White and Blue，製片人决定将短片上载到youtube俾观众免费睇。Red White and Blue讲述一位喺阿肯色州嘅单亲妈妈，要穿州过省去到隔离嘅州份搵办法堕胎。唔好睇少套戏係短片，去到中后段嘅剧情反转，相当有后劲。导演Nazrin Choudhury回应，认为将Red White and Blue公开分享，係希望推动社会知道，今次投票关乎女性未来。至于被视为会保障女性嘅贺锦丽，周六突然现身老牌节目Saturday Night Live(SNL），出现喺由Maya Rudolph模仿佢嘅趣剧，以本尊身份现身，仲以对白「你至少识开门」，明串早排揸垃圾车拉票但唔识开车门嘅特朗普。不过贺锦丽现身SNL就引起播放节目嘅电视台NBC有冇给予公平曝光时间俾特朗普嘅争议。而NBC就喺周日晚播NASCAR赛车期间，俾咗90秒广告时间特朗普一方，同贺锦丽现身SNL嘅时长差唔多，似乎係为咗补镬。更多电影文章焚城／阿诺拉／邪Mall／成为星星的少女︳电影LOL 今期睇咩戏《机动战士高达》荷里活真人版电影 讲足6年终于落实导演人选 传明年开拍︳电影LOL许光汉盛传拍《尚气2》服兵役抽空苦练英文 新角色「铁拳」就係佢？︳电影LOL《里斯本丸沉没》因不符合规定被DQ 无法代表中国角逐奥斯卡最佳国际电影︳电影LOL《风林火山》盛传于横店推介会播预告 外媒消息指2025年上半年上画︳电影LOL按此下载 全新 APP，睇尽最新娱乐新闻、乐坛消息、名人热话、热门电影、Netflix剧评，新人更可即时换领限量新人礼，立即下载！其他人也在看
