MISSY近年香港乐坛有不少女团出道，最新嘅由TVB《中年好声音2》有35岁陈俞霏、39岁陈芊芸（陈蒨葶）、36岁王玥、36岁林思彤（林若盈）、35岁陈誉文（陈燕娜）组成嘅MISSY，佢哋噚日（3日）喺尖沙咀举行记者会宣布出道，并透露下月10日喺麦花臣场馆开骚《MISSY Raise Your Voice Concert》 。作为首队由《中年好声音》比赛诞生嘅女团，五位成员噚日以型格造型亮相，成功吸引逾百粉丝到场支持。MISSY除咗推出新歌《Flow With Us》，下月10日仲喺麦花臣场馆开骚《MISSY Raise Your Voice Concert》 ，票价分别为$980、$780及$680，认真犀利！被问到演唱会準备情况时，王玥就笑话见队友多过见家人同朋友，同时佢哋亦好珍惜今次踏上舞台嘅机会，最近好努力排舞练歌，希望将最好嘅一面呈现俾大家睇。而陈芊芸就话无论係演唱会主题、歌单编排、舞台设计、造型、化妆，佢哋都费尽心思。MISSY一出道，随即引起网民疯狂讨论，甚至以COLLAR作比较，例如「咁女团又真係无界定最高几多岁嘅」、「咁collar 年纪又真係差好远既」、「C团成员长大后… (唔包饺芯) 」、「妇女时代」、「阿婶时代」、「一定係中年 但唔一定係好声音」、「芯駖靓十倍」、「呢个价钱似乎会滞销」、「真係笑死人，好心啦，唔係以为自己係韩女团呀嘛」、「人哋女团青春期，佢哋女团更年期」及「成班中女扮后生，想呕」等等，不过亦有网民应该佢哋有实力值得支持，留言「期待新歌 撑爆女团」、「好想快啲听到新歌」、「希望工程成功」及「Missy Missy 我哋支持你」等等。MISSYMISSYMISSYMISSY陈俞霏王玥陈芊芸林思彤陈誉文按此下载全新 APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！其他人也在看
