80年代TVB女艺人姚正菁已经退出幕前多年，早前资深传媒人汪曼玲分享同姚正菁嘅合照，并写道「今次终于和姚正菁（改名姚舜薰）取得联络，一齐吃晚饭」，又透露原来姚正菁细女林映说参加咗今年温哥华华裔小姐竞选。相中可见，今年55岁嘅姚正菁保养得宜，仍然甚有星味，而且帮汪曼玲一行人安排豪华七人车由澳门返港，相信生活环境唔错。
今年55岁嘅姚正菁，1986年参加TVB《电视小姐竞选》入行，后来参演唔少剧集，但最为人记得係佢同郭富城有过一段情，郭富城甚至承认姚係佢初恋女友，但係二人拍拖不久就分手收场。90年代唔少女星拍三级片，姚正菁都係其中之一，拍过《贴身情人》同《哪个少女不多情》等性感电影，到1995年姚正菁告别娱圈，鲜有公开露面。有报导指姚正菁结婚并到纽西兰生活，婚后诞下两名女儿，又有传姚正菁转型从商，喺上海经营时装生意。不过姚正菁婚姻状况一直係个谜，一直有传佢已经离婚，喺社交平台上交代感情状况係单身。
按此下载全新 APP，睇尽最新娱乐新闻、乐坛消息、名人热话、热门电影、Netflix剧评，新人更可即时换领限量新人礼，立即下载！
其他人也在看
