冯盈盈孖师妹庄子璇回母校晒12年前青涩照被讚史上最正 Hilary被指容貌再升级

无敌椰子旅游 2024-11-01 972 0

冯盈盈与庄子璇（Hilary）甚有渊源，不但同为香港小姐冠军，亦毕业于香港大学食物及营养学系，无论係TVB定係港大都属师姐妹嘅关係。冯盈盈于7月以优异成绩（Distinction）理科硕士毕业，佢就分享多张毕业礼上嘅照片，包括与庄子璇嘅合照。近日，冯盈盈更孖住师妹庄子璇一同回母校参与讲座，冯盈盈更于社交平台分享12年前嘅照片回顾过去，被网民大讚又靓又叻女。

冯盈盈PO出多张照片回顾过去嘅12年，包括2012年初入大学嘅旧照、2016年大学毕业照、2024硕士毕业照，以及当日回母校参与讲座嘅照片，写道：「人生的阅历就像读书一样，需要经历一关又一关的考验，随着时间推移，逐步成长。回顾过去的12年，我在这间学校从学士成为硕士，不仅学历有所提升，自身的各方面也成长了许多。今日再次踏入校园，我做了一件以前从未想过的事，而这段video也成为我在这所学校成长旅程的历史见证。It’s great to be back. Thank you for having us.」。从照片中看到，12年前嘅冯盈盈样子非常青涩，眉毛较淡；12年后硕士毕业嘅冯盈盈化上精緻妆容，以白裇衫衬黑裙，着上黑色丝袜和白色高踭鞋，应觉更稳重。唔少网民激讚冯盈盈好正，又指12年前嘅冯盈盈係「史上最正fyy」：「FYY既美丽又叻女」、「学霸漂亮会演戏人又好，完美老婆type」、「唔化妆仲靓女」、「美丽与智慧并重」、「2012嗰张太无敌」、「细个嗰阵真係正到冇得顶」、「冻龄一样」、「一路都超靓」、「图一靓到癫」等等。

庄子璇则以白色连身裙衬白色露趾高踭鞋出席讲座，佢亦于社交平台分享当日打卡照，不过就被指容貌升级。庄子璇由夺冠至今，其外貌变化一直成网民讨论话题，网民经常将焦点放于庄子璇个鼻，指佢个鼻比起参选港姐时变得又直又尖，指佢由「猪胆鼻」变「间尺鼻」，更有网民认为佢完全唔同咗样，宜家有份「少女版林嘉欣」嘅味道：「完全唔认得係你」、「完全唔同样，另一个人咁，但以前好d（啲）」等等。对于被指容貌升级，庄子璇曾坦言全靠化妆同埋P图，指入行愈耐愈知道自己点样化妆会靓啲，咩髮型係衬自己；另外又曾表示有留意外界话佢鼻子唔靓嘅评论，因此宜家好用心化鼻妆。