黑色月光｜终极对决林夏薇演技再创高峰 获网民推举再封视后：杨怡个奖有危机了由杨茜尧（前名杨怡）、王浩信、林夏薇、马志威、黄翠如及杨卓娜等演员演出嘅TVB台庆剧《黑色月光》播出以嚟，无论剧情定演员演技都广获好评，令一班观众睇得非常肉紧。剧集喺噚晚（3日）播出大结局，想知网民们睇完有咩感受，快啲辘落去睇下啦！噚晚剧情讲到阿Moon（杨茜尧饰）为咗帮细妹曦晨（黄翠如饰）洗脱谋杀罪名，深入调查邝永源（马贯东饰）被杀案嘅关键证据。余漫星（杨卓娜饰）搵到一条卓慧云（林夏薇饰）前往案发现场嘅片段，不过卓慧云就声称自己当时喺屋企。成风（王浩信饰）提议由主席卓慧云成为明天都会嘅代言人，并提议动用私人资金去支持Carsoli妹妹打赢官司，不过其实呢个只係一个圈套，令卓慧云陷入财务危机。卓慧云与成风等人一齐去电视台拍摄宣传片，期间睇电视见到中东关係紧张，导致中东联合基金下跌，于是成风提议将钱转去瑞士帐户。之后卓慧云再去採排时，阿Moon突然现身，同佢嚟一场面对面嘅对决，阿Moon即指卓慧云嘅罪行，仲讲出佢嘅报复计划。卓慧云失去名牌王国、所有财产一𣊬间消失、王卓股价大跌及涉嫌谋杀被捕，最终佢被捕并被关进精精神病院。林夏薇被推举再做视后两大女主角嘅15分钟终极对决，可以话係结局嘅重点！饰演「大反派」卓慧云嘅林夏薇可以话係由头带到尾，尽显视后功架。当杨茜尧出现讲出嘅报复计划细节时，佢嘅演技细腻又有层次，由双眼通红及眼泛泪光，去到情绪大爆发。唔少网民睇完都纷纷留言大讚佢演技再创高峰，并推举佢再封视后，例如「薇姨呢场值得攞奖」、「林夏薇结局演技令人惊叹万分! 今年最佳女主角应是她!」、「杨怡个奖有危机了，愈后愈被薇薇抢哂」、「卓慧云应该係薇薇代表作」、「Wow林夏薇真心掂啊，睇好佢再攞视后。其实我觉得佢之前七公主攞视后有啲尴尴哋，但今次真心值得攞视后」、「林夏薇演技已经炉火纯青，超凡入圣」、「真心今次林夏薇做得好好」、「林夏微拎硬」及「这集衹睇林夏薇一个够，非常精彩」等等。《黑色月光》截图《黑色月光》截图《黑色月光》截图「复仇大龙凤」戏码似《赌侠1999》为咗呢个复仇计划，阿Moon可以话係不惜工本。除咗动用多人帮手及搵Carsoli做衫自製血衣等之外，佢仲喺手机信号做手脚，令卓慧云睇到假新闻报道。不过呢一个计划被被网民指好似《赌侠1999》张家辉喺电台直播假球赛一幕，留言话「王晶赌侠1999系列」、「赌侠1999扮朗拿度条桥？」及「咁似王晶嗰啲赌神片 最后整段假踢波假新闻」等等。《黑色月光》截图《黑色月光》截图《黑色月光》截图向《与敌同行》致敬?卓慧云最终被关进精精神病院，不过喺最后镜头卓慧云突然好正经咁问医生几时可以出院，最后仲以一个凌厉嘅眼神，作为剧集嘅终结，唔少网民都指为续集铺路，更有网民觉得林夏薇嘅眼神疑似向《与敌同行》致敬，留言话「下辑到佢报仇」、「第二季搵唐立言」及「续集又出黎报仇？」等等。《黑色月光》截图《黑色月光》截图《与敌同行》截图按此下载全新 APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！其他人也在看
