陈豪谭俊彦两大视帝戴假髮拍剧 吴家乐大讚无违和感 梁思浩平反：有时真係监製要求网上娱乐节目《娱乐好好玩》大谈圈中热话及秘闻，每每播出后都引起话题。周一（25日）播出一集，梁思浩、吴家乐、邓兆尊和Tristan其中一个话题讲到黄晓明回应戴假髮传闻，梁思浩又分享指被好多人误会过佢戴假髮，直言自己平时爱用冻水洗头，之后又提到艺人拍古装剧经常都要戴头套，脱头套嗰阵因为头髮边嘅胶水太实，于是容易脱髮，吴家乐则表示自己会慢慢印开，认为唔差嗰十分钟；佢哋又提到陈豪和谭俊彦两大视帝于剧集《企业强人》戴假髮。吴家乐觉得陈豪和谭俊彦嘅假髮造型好自然，并无违和感，指佢哋髮量真係唔多。过往，陈豪曾因拍《宫心计》戴头套而出现脱髮问题，又曾被笑指「河童」，早前自嘲《企业强人》嘅齐荫髮型有「少少碍眼」；而谭俊彦都经常被网民讨论是否戴假髮，认为佢嘅髮量比以前多同厚。梁思浩就解释演员要戴假髮嘅原因，指自己唔係帮佢哋，但有时真係监製要求：「要求嘅意思係…假设：『兆尊，我有个角色想你由30岁开始』」兆尊续指：「（监製话）你比较稀少咗啲，落去梳头部攞个假髮」四人又谈论假髮价钱，透露一套剧会有头髮嘅Budget，一个头套动辄3万元，吴家乐解释指头套除咗用真头髮，仲係人手逐条勾上去。梁思浩表示时装剧要演员戴假髮都好平常，认为用真头髮做嘅假髮贴最自然：「洗得吹得剪得，被人扯都得」；吴家乐表示呢个係大趋势，宜家用嘅髮片已经唔同以前嘅戴假髮：「呢啲叫髮片，好多男仔女仔都好，整出嚟髮量唔多，唔够厚就会夹髮片，男女都有，係大趋势，好靓好真。唔同以前戴假髮好假，现在close up向后梳，all back都唔觉，其实好靓，因应剧情，同埋令演员出嚟都好有信心。」《娱乐好好玩》截图《娱乐好好玩》截图《娱乐好好玩》截图《企业强人》剧照《企业强人》剧照《企业强人》剧照按此下载全新 APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！其他人也在看
