新片《魔法坏女巫》(Wicked)上周开画，首周末全球狂收1亿6420万美元，外媒Deadline形容《魔》破尽音乐剧电影嘅票房纪录，以今年唔算太强劲嘅市道而言都真係难能可贵。《魔法坏女巫》收得，导演朱浩伟（Jon Chu)相信升呢成功，应该有唔少大片等住佢。而令朱导为人认识嘅《我的超豪男友》（Crazy Rich Asian)，唔少影迷都敲碗想知会唔会有续集，毕竟由Kevin Kwan写嘅原着小说都有2本续集China Rich Girlfriend 同 Rich People Problems喎。《我的超豪男友》续集会以China Rich Girlfriend 一书改编，首集男主角Nick嘅堂妹Astrid(Gemma Chan陈静饰）同前度Charlie Wu(Harry Shum Jr饰)係续集嘅主线根据资料，前年5月已经传出《我的超豪男友》续集开始紧前期工作，故事会以China Rich Girlfriend 改编，首集男主角Nick嘅堂妹Astrid(Gemma Chan陈静饰）同前度Charlie Wu(Harry Shum Jr饰)係续集嘅主线，故事以《我的超豪男友》中拉埋天窗嘅主角Rachel带埋老公Nick去上海搵生父而展开。但到底係咪会拍呢？朱浩伟回应时话「如果唔係值得的话，我唔会拉晒全世界落水」喎，因为佢想好似《我的超豪男友》咁成功，但係个剧本唔易处理，朱浩伟同编剧试过唔同方式都未有眉目。不过朱浩伟亦都表明，唔係要吊大家瘾，时机到就会有。《我的超豪男友》为唔少亚裔电影人打出空间，票房全球收2亿4千万美元，片中饰演阔太嘅杨紫琼片约不断，仲成为首位华人金像影后；同片嘅Awkwafina、Constance Wu、Harry Golding、Gemma Chan、Ronny Chieng、Jimmy O’Yang都打出名堂，咁难怪Jon Chu想保住个金漆招牌，当然亦可能大家升晒格，片酬条数唔易计啦……更多电影文章魔法坏女巫／寄了一整个春天／飞黄腾达／台北追缉令／恋爱大都会／你好,爱,再次︳电影LOL 今期睇咩戏《星球大战》新片让路 《冰河世纪6》2026年圣诞档上映︳电影LOL《权力游戏》珊莎Sophie Turner 盛传係下一位真人版盗墓者罗拉︳电影LOL加密币富豪「薯条哥」极速起落事蹟 Apple 投资开拍成电影︳电影LOL《魔法坏女巫》玩具包装印错AV网站网址 Mattel致歉︳电影LOL按此下载 全新 APP，睇尽最新娱乐新闻、乐坛消息、名人热话、热门电影、Netflix剧评，新人更可即时换领限量新人礼，立即下载！其他人也在看
