呢几年恐怖惊慄片成绩唔错，M3GAN以至早排嘅《刽乐小丑3》，通通都係小本搏大埋单N倍赚突。2009年推出、以不老症女子为主角嘅《孤疑》，近期就有报导指将会开拍第3集，唔难理解呀。《孤疑》《孤疑》前后2集电影分别喺2009及2022年推出，反应算係唔错，合共收到1亿2500万美元，回本有突。女主角Esther係个不老症女子，睇落似10岁，实情三十几，第一集讲Esther由孤儿院被收养后，对养父母不利嘅故事。后来事隔13年先推出《孤疑前传》，讲解Esther身世同暗黑过去。《孤疑前传》我估故事同惊吓气氛以外，观众唔多唔少係因为女主角Isabelle Fuhrman而去睇《孤疑》系列。第一集Isabelle Fuhrman真係童星，要以11岁心智演成年女性仲要谂埋一边嘅，的确好有挑战性；到第二集更癫，同样由Isabelle Fuhrman主演，即使从摄影机位以至布景高度营造身高差异，但当时Isabelle已经二字头，掉返转做返细路女，又係高难度演出。至于第3集，暂时电影公司未有公开故事係点，但就确认第2集编剧David Coggeshall同导演William Brent Bell都会归队，更重要係Isabelle Fuhrman亦会参演！相信第3集《孤疑》故事都係以「不老症Esther」为主角，但而家Isabelle 已经27岁，点演Esther？即将举行嘅美国电影展销会American Film Market，可能会有更多相关资料。更多电影文章焚城／阿诺拉／邪Mall／成为星星的少女︳电影LOL 今期睇咩戏美国大选前夕 「紫天椒」Chloe Moretz出柜撑贺锦丽 奥斯卡提名堕胎短片免费睇《机动战士高达》荷里活真人版电影 讲足6年终于落实导演人选 传明年开拍︳电影LOL许光汉盛传拍《尚气2》服兵役抽空苦练英文 新角色「铁拳」就係佢？︳电影LOL《里斯本丸沉没》因不符合规定被DQ 无法代表中国角逐奥斯卡最佳国际电影︳电影LOL按此下载 全新 APP，睇尽最新娱乐新闻、乐坛消息、名人热话、热门电影、Netflix剧评，新人更可即时换领限量新人礼，立即下载！其他人也在看
