林韦辰曾分别效力TVB及亚视嘅艺人林韦辰，睇外表完全唔似62岁，不过近排阿辰都同好多上年纪嘅老友记一样，因身体状况而行动不便，仲因此而感到身体健康好紧要。林韦辰因坐骨神经痛而要挨住坐七人车卧病在床都要拍片，提大家注重健康近年北上发展嘅林韦辰，上月中喺抖音上载影片，自爆近期因为多年前拍戏嘅旧患坐骨神经痛复发而饱受痛楚煎熬，行又唔得坐又坐唔得耐，就连瞓觉同痛醒，搞到食嘢都冇心机，体重因而大跌7公斤（约15磅）。到近期林韦辰再拍片，似乎病情未有好转，佢话自己卧病在床个几月，因为脊椎第四、五节压住椎间盘同坐骨神经，令左腿好痛，行路仲要用辅助架。林韦辰用过中医、复位等唔同方法治疗，更试过入院，瞓喺病床先知百般滋味在心头。林韦辰早前落床都要用支架撑住林韦辰80年代毕业于TVB艺训班，但发展平平，于是转战马来西亚拍剧，反而成为当地红星，1994年更获亚视邀请加盟。喺亚视期间林韦辰做过《今日睇真D》主持，又拍过剧集《再见艳阳天》、《南海十三郎》等，曾经被视为「亚视一哥」。千禧年后林韦辰曾经返过TVB，但未获重用，于是又再返亚视，到2013年约满为止。阿辰之后北上发展，2017年签约邵氏，因此再现TVB，3年前约满后又北上搵食，并且积极经营抖音等平台。林韦辰同前港姐李思雅有过一段「父女恋」除咗喺2间电视台弹出弹入，林韦辰为人记得嘅係同过亚姐吕晶晶拍拖4年，后来更挞着前港姐兼前港队女子网球运动员李思雅，李更加係比林韦辰后生23年！不过阿辰同李思雅拍拖6年最终因意见性格不合而分手，其后单身多时嘅林韦辰今年初拍片疑似公开恋情，有指女友係东北人，同样颇为年轻。林韦辰今年初拍片疑似公开恋情按此下载全新 APP，睇尽最新娱乐新闻、乐坛消息、名人热话、热门电影、Netflix剧评，新人更可即时换领限量新人礼，立即下载！其他人也在看
