马会为庆祝成立140周年，推出两轮各7,000万元六合彩金多宝搅珠，唔少人都抱着「搏一舖」心态买六合彩，而第二轮就喺前晚（28日）搅珠，结果有3注头奖得主，每注派超过3360万奖金。过往都有娱乐圈中人得到幸运之神眷顾，成功中奖，傅嘉莉（Kelly）都喺社交网站自爆中奖。
傅嘉莉喺IG限时团体，上载一张投注纪录嘅图片，并写上「人生第一次 唔好叫我请食饭」，与网民分享中奖喜悦。喺图片中所见，傅嘉莉下注70蚊，佢好幸运地中三个半字，获得1000蚊奖金。虽然奖金唔算多，不过唔少网民已经好羡慕佢中奖。
现年39岁嘅傅嘉莉唔经唔觉入行逾20年，佢因经常喺剧集中饰演性感及小三角色，所以被封为TVB「御用邪花」。继上年喺《香港人在北京》精湛演技，今年再喺《法证先锋VI倖存者的救赎》嘅演技令人括目相看，一改以往嘅花瓶形象。
傅嘉莉幕前工作唔算多，不过佢近年越来越富贵，係圈中小富婆，有指佢除咗有司机管接管送之外，佢分别喺上年及今年一月购入跑马地及浅水湾道豪宅，坐拥共值7千万嘅物业。
按此下载全新 APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！
其他人也在看
