10月9日係三届视帝郭晋安「登六」大日子，所以近日大搞生日派对迎60岁，当日出席嘅艺人众多，例如胡定欣、杨茜尧、罗子溢、马国明、王祖蓝、李亚男、罗天宇、何广沛、周嘉洛、陈晓华、何依婷、黄智贤及郑子诚等等，可以话係星光熠熠。而当中曾经传出不和嘅杨茜尧和胡定欣竟然同框现身，引起网民高度关注。
喺郭晋安嘅IG庆生影片中，唔少艺人到场祝贺郭晋安，人缘甚广。喺影相嘅时候，杨茜尧与胡定欣除咗企埋一齐之外，仲笑容满面兼有讲有笑，老友鬼鬼，睇嚟14年前嘅不和传闻应该可以告一段落。
事缘係14年前嘅《万千星辉颁奖典礼2010》，镜头影到杨茜尧疑似用膊头撞兼藐爆格离嘅胡定欣，仲刻意同另一边嘅徐子珊倾偈，之后随即传出二人已经不和多年，更加掀起双方粉丝嘅唇枪舌剑。虽然佢哋都有喺微博澄清，不过呢个不和传闻成为大家茶余饭后嘅讨论话题，而呢个gif图亦成为经典。
按此下载全新 APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！
其他人也在看
